ტრენინგის მეშვიდე დღე
( რეფლექსია )
მართლაც რომ მოტივირებული უნდა იყო, ამისთანა თოვლსა და ყინვაში დილის ცხრა საათზე დაიწყო ტვინის ჭყლეტა.
მნიშვნელოვანი კი ის არის, რომ ტრენინგზე მისულებს ყველაფერი გვავიწყდება და აქტიურად ვართ ჩართულები პროექტებზე მუშაობაში.
დღეს გავეცანით ,,ვიუერის" მეექვსე მოდულს -- დაგეგმვა მოსწავლეთა წარმატებისათვის. მასში განხილულია საკითხი, თუ როგორ უნდა გამოვიყენოთ ისტ-ტექნოლოგიები მოსწავლეთა საჭიროების , მათი წარმატებისა და მიზანდასახული მუშაობისათვის.
გავიხსენეთ გარდნერის მრავალმხრივი ინტელექტის თეორია, რომელიც მე ძალიან მომწონს და განვიხილეთ მისი ყოველი სფერო.
პროექტის გეგმებში შევინახეთ ჩვენი მუშაობის ამსახველი მასალები.
რესურსების განყოფილებაში საინტერესო და საჭირო მასალები მიმოვიხილეთ,
მასწავლემლის მიერ მოსწავლისადმი დახმარება როგორ და რა ასპექტებით შეიძლება იყოს წარმოდგენილი. ( მაგ: ზიპ-ფაილები,, რომეო და ჯულიეტა", ჩვენი დროის გმირები" და სხვა.)
საშინაო დავალებად სწორედ ეს გვექნება შესასრულებელი. ჩვენი პროექტიდან გამომდინარე უნდა შევიმუშაოთ მოსწავლეთა მხარდაჭერის დოკუმენტი.
P.S. რეფლექსიის წერისას კიდევ ერთი სასიამოვნო ამბავი შევიტყე, მასწავლებელთა სახლის კოორდინატორმა დამირეკა და მომილოცვა, რომ ჩემ მიერ განხორციელებულმა პროექტმა ,,წამებულიდან წმინდანობამდე" გაიმარჯვა და ეროვნულ კონფერენციაზე უნდა წარვადგინო. გამიხარდა, რომ ჩემი და ჩემი მოსწავლეების შრომა დაფასდა.
