intel -ის ტრენინგი
მეოთხე დღე
( რეფლექსია)
ვაგრძელებთ პროექტებით სწავლების თემაზე მუშაობას. რაც მთავარია, მოტივაციას ვინარჩუნებ, პროცესი უფროდაუფრო საინტერესო ხდება. გვაქვს ინტერნეტი, კარგია, რომ დღეს შეუფერხებლად ვიმუშავებთ.
დღეს ვისწავლეთ ბლოგზე ჩანართების გაკეთება, ძალიან მომწონდა ასეთი ფორმატი და მიხარია, რომ ჩემი ბლოგიც ასე იქნება ამის შემდეგ. გავაკეთეთ რამდენიმე ჩანართი, ადვილია, თუმცა, რასაც ნათია გასწავლის, ყველაფერი გვიადვილდება, გვიხსნის გასაგებად, ნაბიჯ-ნაბიჯ და თანამიმდევრობით. ახერხებს , წამში მოვიდეს და დაგეხმაროს...
გავხსენით ჩვენი პორტფოლიო და პროექტის პუბლიკაცია მოვათავსეთ პროექტის გეგმის საქაღალდეში.
ვიმუშავეთ ელფოსტასა და,, გუგლდოკებში" .
გავგრძელეთ პროექტის გეგმის შევსება, შევიტანეთ თემასთან დაკავშირებული
სტანდარტები და შედეგები, აგრეთვე შევარჩიეთ მიმართულების მიმცემი ზოგადი, თემატური და შინაარსობრივი კითხვები. 21-საუკუნის უნარ-ჩვევებიც დავურთეთ ამ ჩამონათვალს.
განვიხილეთ შეფასების სხვადასხვა მეთოდები.გავაანალიზეთ დროში გაწერილი შეფასების სქემა-- პროექტზე მუშაობის დაწყებამდე, მუშაობის პროცესში და დასრულების შემდეგ, შევარჩიეთ ჩვენი თემატიკის შესაბამისი შეფასების მეთოდები.
რა თქმა უნდა, პარალელურად ვკითხულობთ და ვაანალიზებთ ელექტრონულ წიგნს ე.წ.,,ვიუერს".
ჩავინიშნეთ დავალებები, იმედი მაქვს, სახლში მისვლისთანავე შევასრულებ ყოველივეს, რათა ერთგვარად შევაჯამო და შევაფასო ჩემი უნარი დამუშავებულ საკითხებთან მიმართებაში.
